Салдарынан бір адам қаза тапты
Қызылорда облысында жол-көлік оқиғасынан бір адам қаза тауып, екі адам жарақат алды, деп хабарлайды Azattyq Rýhy.
Оқиға Шиелі ауданына қарасты Майлытоғай ауылы тұсындағы «Самара-Шымкент» тас жолының бойында болған. Toyota Alphard автокөлігі жол бойында сиыр малына соққан.
«Жол-көлік оқиғасынан бір адам қаза тауып, екі адам жарақат алды. Аталған дерек бойынша ҚР Қылмыстық кодексінің 345-бабының 3-бөлігімен сотқа дейінгі тергеп-тексеру әрекеттері жүргізілуде. Тиісті сараптамалар тағайындалды. Оқиғаның мән-жайы анықталуда», — деп хабарлады облыстық ПД.