Павлодарда жеңіл көлік жүргізушісі автобус аялдамасын қиратып, бес қабатты үйдің қабырғасына соғылды

Павлодарда көлігін басқара алмаған жүргізуші көпқабатты үйдің қабырғасына барып соғылды. Абырой болғанда, ешкім зардап шеккен жоқ, деп хабарлайды Azattyq Rýhy Павлодар-онлайн сайтына сілтеме жасап.

Жол-көлік оқиғасы Аймауытов пен Павлов көшелерінің қиылысында 30 мамырда сағат 15:20 шамасында болды.

«Мерседес маркалы автокөлік жүргізушісі рульді басқаруды игере алмай, автобус аялдамасына соқтығысқан. Соққыдан кейін қозғалысын жалғастырып, Павлов көшесі 5 мекенжайында орналасқан үйге соқтығысқан. ЖКО нәтижесінде зардап шеккендер жоқ. Тергеу жүргізілуде, көлік айып тұрағына қойылды», - деп хабарлады Павлодар облысы полиция департаментінің өкілдері.