Айка тізімі: Эскорт қыздардың тізімін жасаған Айғаным Мырзахметова 6,6 жылға сотталды

Аягөз Құрмаш

Тағы бір айыпталушыға 3,8 жыл берілді

Айка тізімі: Эскорт қыздардың тізімін жасаған Айғаным Мырзахметова 6,6 жылға сотталды
Фото: «Криминальный Казахстан» telegram арнасы

Алматыда «Айки тізіміне» қатысты үкім шықты. Бұл іске қатысты сот отырысы жабық режимде өтті, деп хабарлайды Azattyq Ruhy

Іс Алматы қаласы Әуезов аудандық сотында қаралды. Блогер психотроптық затты аса ірі мөлшерде заңсыз сатып алды, сақтады және тасымалдады деп айыпталды. 

Іс материалдарына сәйкес, Айғаным Мырзахметова  2023 жылдың мамырында мефедронды (психотроптық зат) өткізу мақсатынсыз аса ірі мөлшерде заңсыз сатып алған және оны өзімен бірге заңсыз тасымалдаған. 

Полиция қызметкерлері ұстаған кезде сотталушының сөмкесінен психотроптық зат тәркіленді.

Ұйымдастырушы 6 жылға 6 айға бас бостандығынан айырылды. Екінші күдіктіге 3,8 жылға бас бостандығынан айыру жазасы берілді.

Еске салсақ, 2023 жылдың соңында желіде жезөкшелер мен қыздардың клиенттерінің жеке мәліметтері бар құжаттар жарияланды.

Кейбір мәліметтер бойынша, эскорт қыздарының қызметтерін пайдаланғандар тізімінде әртістер, спортшылар, мұнайшылар, жоғары оқу орындарының басшылары, олигархтардың ұлдары және шенеуніктер болған. 

×
Бұл желілік ресурстың ақпараттық өнімдері 18 жастан асқан адамдарға арналған.