Өрттің себебі анықталуда
Алматы облысы Іле ауданының Байсерке ауылында бір қабатты ғимараттың шатыры өртенді. Өртті сөндіру барысында өрт сөндірушілер жанып жатқан ғимараттан 1 газ баллонын алып шықты, деп хабарлайды Azattyq Rýhy.
ТЖМ мәліметінше, өрт сөндіру бөлімшелері оқиға орнына келген кезде 2 қабатты ғимаратқа жапсарлас салынған бір қабатты ғимараттың шатыры жанып жатты. Өрт сөндірушілердің жедел іс-әрекеттерінің арқасында жақын орналасқан автобөлшектер дүкеніне және 2 қабатты кешеннің ғимаратына өрттің одан әрі таралуына жол берілмеді.
«Өрттің ауданы 150 шаршы метрді құрады. Қаза тапқандар мен зардап шеккендер жоқ. Өрттің себебі анықталуда», - делінген ТЖМ хабарламасында