Алғашқы медициналық көмек көрсеткеннен кейін құтқарушылар оларды Семей қаласына жеткізді
«112» пультіне көліктің сынуы салдарынан екі адамның ауылдық жолда қалып қойғаны және оларды эвакуациялау қажет екендігі туралы хабарлама келген, деп хабарлайды Azattyq Ruhy ТЖМ баспасөз қызметіне сілтеме жасап.
Оқиға орнына дереу жедел-құтқару жасағының қызметкерлері жіберілді.
Құтқарушылар келгеннен кейін жүк көліктерінің сынуына байланысты 2 ер адам ауылдық жолға шығып, трассаға қарай жаяу жүргені анықталды.
Аталған аймақта дұрыс жолдың болмауына байланысты жедел-құтқару жасағының қызметкерлері шамамен 4 шақырым жаяу жүріп, зардап шеккендерді тапты.
Алғашқы медициналық көмек көрсеткеннен кейін құтқарушылар оларды Семей қаласына жеткізді.