Жол апаты 17 жастағы жүргізушінің кесірінен болған
Алматының Әл-Фараби даңғылында түнде жол апаты болып, 4 көлік соқтығысты, деп хабарлайды Azattyq Ruhy қалалық Полиция департаментінің баспасөз қызметіне сілтеме жасап.
Әлеуметтік желіде оқиғаның видеосы тарады.
Жол апаты 19 наурыз кешкі сағат 21:00-де Бостандық ауданында болған.
«Жол апатында 4 көлік соқтығысты. Алдын ала мәлімет бойынша Toyota Camry көлігінің 17 жастағы жүргізушісінің кінәсінен жол апаты болды. Зардап шеккендер жоқ. Аталған дерек Бостандық ауданының полиция басқармасында тіркеліп, өндіріске қабылданды. Сондай-ақ тиісті сараптамалар тағайындалды», - деп хабарлады Алматы қалалық полиция департаментінің баспасөз қызметі.