Оларға 3,5 млн теңгеге жуық айыппұл салынады немесе үш жылға дейінгі мерзімге бас бостандығынан айыру жазасы тағайындалады
Олар металл жәшікті бұзып, ішіндегі 50 мың теңгені қолды қылған. Олар қылмысты алдын ала жоспарлап, жақын жерде бейнекамералардың жоқ екеніне көз жеткізген, деп хабарлайды Azattyq Ruhy OTYRAR-ға сілтеме жасап.
Алайда тәртіп сақшылары қажетті іздестіру шараларын жүргізіп, ұрыларды ұстады. Тергеу жүргізілуде, егер күдіктілердің кінәсі дәлелденсе, онда оларға үш жарым миллион теңгеге жуық айыппұл салынады немесе үш жылға дейінгі мерзімге бас бостандығынан айыру жазасы тағайындалады.
«Жетісай аудандық полиция бөліміне мешіт қызметкері қайырымдылық жәшігінен ақша ұрланғаны туралы арыз түсірді. Оның айтуынша, түнде белгісіз адамдар мешіттің алдында тұрған металл жәшікті ашып, одан ақша ұрлап кеткен. Оқиға орнына келген тәртіп сақшылары қажетті іздестіру шараларын жүргізіп, оларды ұстады. Қазіргі уақытта күдіктілерге қатысты "Ұрлық" бабы бойынша сотқа дейінгі тергеу жүргізілуде», - деді Түркістан облысы ПД баспасөз хатшысы Гүлнар Әбдужаппарова.