Түркияның тұңғыш ғарышкері Альпер Гезеравжы бүгін түнде ғарышқа ұшады

Жергілікті және ұлттық даму стратегиялары аясында табысты жобаларды жүзеге асырып жатқан Түркияның ғарышқа алғашқы сапарын жасауға санаулы сағаттар қалды, деп хабарлайды Azattyq Ruhy.

Ұшу сәтін Президент Ердоған бастаған лауазымды тұлғалар тағатсыздана күтуде.Түркияның алғашқы ғарышкері Альпер Гезеравжы 18 қаңтардан 19 қаңтарға қараған түні 00.49-да Dragon ғарыш кемесімен Халықаралық ғарыш станциясына ұшады.

2018 жылы 13 желтоқсанда Түрік ғарыш агенттігінің (TUA) құрылуымен Түркияның ғылым және технология саласында дамытуды мақсат еткен технологияларының бірі ғарыштық саяхатта маңызды серпіліс жасалды.

Президент Режеп Тайып Ердоған 2021 жылы 9 ақпанда «Айды көргің келсе, аспанға қара» деген ұранмен Ұлттық ғарыш бағдарламасын жариялады.

«Еліміздің ғарыш саясаты саласындағы стратегиясы үшін дайындалған бағдарлама аясында түрік астронавты мен ғылым миссиясынан бөлек ұлттық технологиялармен жасалған мобильді көлікті Ай бетіне жіберу, отандық спутниктерді дамыту бағдарламасы, аймақтық позициялау және уақыттық әлеуетті дамыту, ғарышқа қол жеткізу және ғарыш айлағы жобасы», - делінген Түркия билігі таратқан ақпаратта. 

Ұлттық ғарыш бағдарламасы аясындағы 10 мақсаттың ішінде түрік астронавты және ғылым миссиясы аясында бір түрік азаматын ғарышқа жіберу үшін басталған жоба аяқталды.

Президент Режеп Тайып Ердоған 2023 жылы 29 сәуірде өткізілген TEKNOFEST аясында Түркияның тұңғыш ғарышкері Альпер Гезеравжы мен Тува Джихангир Атасевердің есімдерін жариялады.

Түрік ғарыш агенттігі және Axiom Space’пен бірлесіп жүзеге асырылған Ax-3 миссиясына қатысқан Гезеравжы мен қасындағылар TÜBITAK ғарыш кеңістігінің үйлестірумен Халықаралық ғарыш станциясында (ХҒС) Axiom Space және NASA-мен келісе отырып 13 ғылыми эксперимент жүргізеді.

Түркияның тұңғыш ғарышкері Алпер Гезеравжы әлеуметтік желіде пікірін білдірді.

«Менің атым маңызды емес. Адамдар үшін маңыздысы - өз елінің болашаққа қадам басуға және аспанның шегіне емес, ғарыштың тереңдігіне армандауға дайын екенін есте ұстағаны» - деп атап өтті.

Түркия алдағы кезеңде Ұлттық ғарыш бағдарламасы аясында өз мақсаттарын жүзеге асыруды жалғастырады.