Полиция ақпаратты растады
Жетісу облысында көпбалалы ана өзіне қол жұмсаған, деп хабарлайды Azattyq Ruhy.
Кейбір мәліметтерге қарағанда, төрт баланың анасы белгісіз себептерге байланысты дәрі ішіп қойған. Бір күннен кейін ол облыстық ауруханада көз жұмды.
Жетісу облыстық полиция департаменті ақпаратты растады.
«Өзін-өзі өлтіру дерегімен Қылмыстық кодексінің 105-бабы (Өзін-өзі өлтіруге итермелеу) бойынша қылмыстық іс қозғалды. Іс бойынша бірқатар қажетті сараптама тағайындалды», - деп түсіндірді полицейлер.