Жолаушылар ұшағы әуежайдың ұшу-қону жолында жағалау күзетінің әскери-көлік ұшағымен соқтығысқан
Жапондық Japan Airlines авиакомпаниясының жолаушылар ұшағы Токионың Ханеда әуежайының ұшу-қону жолағында өртенді, деп хабарлайды Azattyq Ruhy Eoronews-ке сілтеме жасап.
Алдын ала ақпарат бойынша, ол әуежайдың ұшу-қону жолында жағалау күзетінің әскери-көлік ұшағымен соқтығысқан.
Лайнер Солтүстік Саппоро қаласынан Токиоға ұшып келген.
Жалын қону кезінде шарпыған. Ұшақтың қанаттары мен корпусы жанып кетті.
Бортта 379 жолаушы мен экипаж мүшелері болды. Хабарланғандай, олардың барлығы эвакуацияланды.
Жапонияның Жағалау күзеті жолаушылар ұшағымен соқтығысу туралы хабарламадан кейін экипаждың бес мүшесі жоғалып кеткенін хабарлады. Ұшқыш эвакуацияланды.