Оқиғаға қатысты тергеу жүргізіліп жатыр
Елордалық полиция департаменті 7 жасар қызды соққыға жығу дерегі бойынша қылмыстық іс қозғады, деп хабарлайды Azattyq Ruhy.
Осыған дейін Бала құқықтары жөніндегі уәкіл Динара Зәкиева бір күн бұрын болған жантүршігерлік оқиға туралы хабарлаған болатын.
Зәкиеваның айтуынша, мектепте ұрып-соғу жағдайлары байқалған. Мұғалімдер бірден кәмелетке толмағандар ісі жөніндегі инспекцияны шақырған.
«Аталған факті бойынша ҚР Қылмыстық кодексінің 140-бабы (Кәмелетке толмаған баланы тәрбиелеу жөніндегі міндеттерді орындамау) бойынша қылмыстық іс қозғалды», - деп хабарлады департамент.
Сонымен қатар тергеу жүргізіліп жатыр. Оның қорытындысы бойынша процессуалдық шешім қабылданады. Ювеналды полиция қызметкерлері бұл отбасыны бақылауға алды.