Жамбыл облысында 4 жасар баланың басы көліктердің арасына қысылып қалған

Жамбыл облысында 4 жасар баланың басы көліктердің арасына қысылып қалды, деп хабарлайды Azattyq Ruhy.

Полиция ата-аналарға үндеу жасады.

«Жол-көлік оқиғасы Қордай ауданында болған. Төрт жасар бүлдiршiн екі көліктің арасына түсіп, бас-ми жарақатын алды», - делінген полиция хабарламасында.

Ұлын балабақшадан алып бара жатқан анасы басқа көлікті байқамай қалған.

Полиция балалардың қауіпсіздігін қамтамасыз ету, ықтимал қауіптердің алдын алу және баланы олардан қорғау – ата-ананың басты міндеті екенін еске салады.

Еске салайық, бұған дейін Түркістанда жекеменшік балабақшаның жүргізушісі көлігімен 5 жасар баланы қағып өлтіргенін хабарлаған болатынбыз.