Ақтауда жол қозғалысы ережесін бұзған блогер жауапқа тартылды

Автор: Azattyq Rýhy

Ол кішкентай баласын көліктің алдыңғы орындығына отырғызған

Фото ашық дереккөзден

Ақтауда жол қозғалысы ережесін бұзған блогер жауапқа тартылды, деп хабарлайды Azattyq Ruhy.

Бұл туралы облыстық полиция департаментінің баспасөз қызметі хабарлады.

Әлеуметтік желілерге мониторинг жүргізу барысында Lexus NX200 автокөлігінде болған құқықбұзушылық туралы бейнеролик жарияланды.

«Белгілі болғандай, жүргізуші көлік құралын қауіпсіздік белдігін тақпаған күйде басқарған. Сондай-ақ автокөлік салонында балаларға арналған арнайы орындық қарастырылмағандығы анықталды», - делінген хабарламада.

Патрульдік полиция батальоны қызметкерлері 27 жастағы әйелдің жеке басын анықтап, оған қатысты ҚР ӘҚБтК-тің 593-бабы 2-бөлігі бойынша әкімшілік хаттама толтырды.