Қайғылы оқиға Алматы – Қорғас тасжолында болған
Жетісу облысында жантүршігерлік жол-көлік апатынан бір адам қаза тапты, деп хабарлайды Azattyq Ruhy.
Облыстық полиция департаментінің дерегінше, жол апаты Алматы – Қорғас тасжолында, Панфилов ауданында өтетін республикалық автожолдың 333-шақырымында болған.
«Алдын ала болжам бойынша, Toyota Camry көлігінің 29 жастағы жүргізушісі қарсы жолаққа шығып, Volkswagen Passat көлігімен соқтығысқан. Оқиға орнында 25-27 жас аралығындағы екі ер адам қайтыс болды», - делінген хабарламада.
Тағы үш зардап шеккен адам жақын орналасқан ауруханаға түрлі жарақаттармен жатқызылды.
Жол-көлік оқиға фактісі бойынша қажетті сараптамаларды тағайындаумен сотқа дейінгі тергеу басталды.