Ол қазіргі қыздардың басым бөлігі бұзылып кеткен деп есептейді
Аралас жекпе-жек шебері, «Найман» лақап атымен танымал Қуат Хамитов «Берен» подкастында осы күнге дейін үйленбеуінің себебін түсіндірді, деп хабарлайды Azattyq Ruhy.
«Енді барлығы Алладан ғой. Маңдайымызға осылай жазылып қойған шығар. Мен спорт, спорт деп өзімді ұмытып кетіппін. Алдыңғы жылдары араласып жүрген жақсы қыздар болатын. Бірақ мен оларға үйленуге дайын емес екенімді айтатынмын. Сен Анджелина Джоли болсаң да үйленбеймін дейтінмін. Себебі, менің алға қойған мақсаттарым бар, спорт бойынша қолжеткізетін нақты жоспарлар болды. Сондықтан әлі үйленуге дайын емеспін дейтінмін. Қазір үйленуге дайын сияқтымын. Бірақ жолықпай жүр», - дейді Қуат Хамитов.
Спортшы атағандай, қазіргі 17-19 жастағы жас қыздардың басым көпшілігі ішімдікке берілген.
«Мефедрон деген пәле пайда болды. Барлығы емес енді, бірақ көпшілігі иіскейді, жастардың біразы бұзылып кеткен. Маған ақылды, қарапайым, иманды, ертең болашақ балаларымды тәрбиелейтін, ата-анама қарайтын қыздар жолықпай жүр. Әке болған соң ұлдарымның спортшы болғанын қалаймын. Мықты спортшы бірақ басында ми болмаса, ол қоғамға қауіпті болмақ. Біреуді ұрып, өлтіріп қоюы мүмкін. Мен ондайды қаламаймын. Сондықтан ел үшін пайда әкелетін, сондай ұл тәрбиелейтін қыз кездеспей жүргені рас», - деді Хамитов.
Авторы: Аягөз Құрмаш