ШұғылҚазақстанда өткен тәулікте 76 адам коронавирус инфекциясын жұқтырған

Алматыда Covid-19 жұқтырған әйел Ыстамбұлдан келген науқаспен байланыста болған

Алматыда індет жұқтырғандар саны 23 адамға жетті

Бұл туралы Алматы қаласы әкімдігінің баспасөз орталығында өткен брифингте Қоғамдық денсаулық басқармасының басшысы Тілеухан Әбілдаев мәлімдеді.

«Бүгін COVID-2019 жұқтырудың 23-ші оқиғасы анықталды. Бұл әйел 15 наурызда Ыстамбұл-Алматы рейсімен ұшып келген адаммен байланыста болған. Осыған байланысты ол қалалық клиникалық жұқпалы аурулар ауруханасында карантинде болған. Сонымен қатар, оның ЖРВИ-ға ұқсас симптомдары болды. Қазіргі уақытта пациенттің жағдайы қанағаттанарлық», -деді ол.

Оқи отырыңыз: Ыстамбұлдан ұшып келген алматылық студент дәрігерлерге өзі барған

Қазіргі уақытта қалалық клиникалық жұқпалы аурулар ауруханасында 20 науқас және 2 балмен коронавирус диагнозы расталған ана жатыр. Бүгінгі күні екі адамның жағдайы орташа ауыр, қалғандарының жағдайы бірқалыпты, қанағаттанарлық.

Жалпы 4 провизорлық госпитальда 631 азамат карантинде, 1243 адам үй карантинінде жатыр.Карантинде жатқан адамдардың температурасы қалыпты, сырқат белгісі байқалмайды.

Соңғы мәлімет бойынша, Нұр-Сұлтан қаласы бойынша 31 адам, Алматы қаласында – 23 адам, Қарағанды қаласында - 2, Алматы облысында - 1 адам, жалпы 57 науқас тіркелді. 

Айта кетейік, Қазақстанда 16 наурыздан бастап коронавирусқа байланысты төтенше жағдай жарияланған. Ал, Алматы мен Нұр-Сұлтан қалаларында 19 наурызда карантин енгізілді.