Мектеп әкімшілігі марқұмның отбасына көңіл айтып, естелікпен бөлісті
Елордада №32 мектеп-гимназиясының алғашқы әскери дайындық пәнінен беретін мұғалімі Щучинскіде суға батып бара жатқан баланы құтқарып, алайда өзі тірі қала алмады, деп хабарлайды Azattyq Ruhy.
Ақпаратты Астана қаласы әкімдігінің Білім басқармасы растады. Қайғылы жағдай 12 шілде күні болған.
Александр Руденко Астанадағы №32 мектеп-гимназиясында мекеменің ашылған күнінен бастап еңбек еткен.
«Ол АӘД-нің талантты жетекшісі, жанашыр және мұқият адам болды. Өзінің тәжірибесінің, білімінің, жоғары моральдық-этикалық қағидаттарының арқасында педагогикалық ұжымда да, оқушылар мен ата-аналар арасында да әрқашан құрмет пен сүйіспеншілікке ие болды. Ол өз өмірін таңдаған мамандығына және адамдарға қызмет етуге арнады. Александр Ивановичпен күнделікті қарым-қатынаста көңілді адам болды. Бұл – өте ауыр, мезгілсіз және орны толмас қайғы.Ол ерлік жасап қаза тапты», - деп жазды мектеп әкімшілігі.