Петропавлда көңіл көтеру орындарының бірінде ер адамды атып өлтірді

Автор: Azattyq Rýhy

Күдікті Петропавл қаласының ПБ уақытша ұстау изоляторына қамалды

фото: polisia.kz

Петропавлда көңіл көтеру орындарының бірінде ер адамды атып өлтірді, деп хабарлайды Azattyq Rýhy Polisia.kz-ке сілтеме жасап.

26 ақпан күні Петропавл қаласы полиция басқармасының «102» жедел арнасына облыс орталығындағы көңіл көтеру орындарының бірінде ер адамның атыс жарақатын алғаны туралы хабарлама келіп түсті.

28 жастағы ер адам жедел жәрдем бригадасымен ауруханаға жатқызылды, алайда алған жарақатынан қайтыс болды.

Аталған факті ҚР Қылмыстық кодексінің 99-бабының 2-бөлігі «адам өлтiру» бойынша сотқа дейінгі тергеп-тексерулердің бірыңғай тізілімінде тіркелді.

Жедел-іздестіру іс-шаралары барысында осы қылмысты жасады деген күдікпен Қызылжар ауданының 34 жастағы тұрғыны ұсталды. Бірқатар қажетті сараптамалар тағайындалды. Тергеу әрекеттері жүргізілуде.