Аталған дерек бойынша тергеу жүргізіліп жатыр
Полиция қызметкерлері алаяқтық жасады деген күдікпен талдықорғандық 22 жастағы тұрғынды ұстады. Тергеу материалдарында Қарағанды облысының жалпы сомасы 13 миллион теңгеге жуық шығынға ұшыраған алты тұрғыны жәбірленуші ретінде көрсетілген, деп хабарлайды Azattyq Ruhy.
Облыстық полиция департаментінің хабарлауынша, алаяқтықтың барлық эпизоды тауар-ақшалай несиеге байланысты болған.
«Күдікті тұрғындарға тауарлық несие беруді ұсынып, ұтымды бонустар уәде еткен. Яғни несие сомасы неғұрлым көп болса, бонустар соғұрлым көп болады-мыс. «Ақша аударымдарын алып, тауар рәсімдеп, содан кейін оны өз бетінше сата бересің» деп уәде еткен. Клиент табуға оның алаяқтық әрекеттеріне құрбысы көмектесіп отырған», - деді Жетісу облыстық полиция департаментінің бөлім бастығы Қайрат Жұрынов.
Аталған дерек бойынша ҚР Қылмыстық кодексінің 190-бабының екінші бөлігі «Алаяқтық» бойынша тергеу жүргізіліп жатыр.