Қазір тергеу әрекеттері жүргізіліп жатыр
Атырауда әйел адам екі сәбиін сатты деген күдікке ілінді, деп хабарлайды Azattyq Ruhy ІІМ баспасөз қыземтіне сілтеме жасап.
«Облыстық ПД Ұйымдасқан қылмысқа қарсы іс-қимыл басқармасының қызметкерлері жедел-іздестіру шараларын жүргізу барысында 2021 жылғы және 2022 жылғы сәбилерін сатқан, БҚО-ның 1991 жылы туған тұрғынын анықтады», - делінген хабарламада.
Аталған дерекке қатысты ҚР Қылмыстық кодексінің 135-бабы 1-бөлігімен сотқа дейінгі тергеп-тексеру басталды.
«Күдікті анықталып, қазір тергеу әрекеттері жүргізіліп жатыр. Өзге ақпарат ҚПК-нің 201-бабына сәйкес жариялануға жатпайды», - делінген хабарламада.