Қайғылы жол-көлік оқиғасы 29 қаңтарда болған
Атырау қаласының маңындағы Еркінқала ауылында мотоцикл жүргізіп келе жатқан жігіт «КамАЗ» көлігіне соғылып, оқиға орнында қаза тапты, деп хабарлайды Azattyq Ruhy.
Облыстық полиция департаментінің хабарлауынша, қайғылы жол-көлік оқиғасы 29 қаңтарда болған.
«Сағат 18:30 шамасында қала маңындағы Еркінқала ауылында мотоцикл мен құрылыс материалын тиеген «КамАЗ» көлігі соқтығысты. Көлік апаты салдарынан мотоцикл жүргізушісі оқиға орнында қаза тапты», - делінген облыстық ПД хабарламасында.
Қазіргі таңда аталған дерек бойынша тиісті тергеу жұмысы жүргізіліп жатыр.