Алдын ала мәлімет бойынша зардап шеккендер жоқ
Ресей армиясы Херсондағы перзентхана, мектеп және емханаға оқ жаудырды. Ғимараттардың терезелері мен есіктері атылып, ресейлік снарядтың сынықтары газ құбырына тиген, деп хабарлайды Azattyq Ruhy.
Ресей армиясы Херсонда перзентхананы, мектеп пен емхананы атқылады. Бұл туралы Херсон аймағының басшысы Ярослав Янушевич хабарлады.
«Перзентхана ғимараты зақымданып, төртінші қабаттан түтін шыға бастады. Ғимаратта науқастар болған жоқ, тек медицина қызметкерлері болды. Алдын ала ақпарат бойынша, ешкім зардап шеккен жоқ. Мектепте де, емханада да зардап шеккендер жоқ, бірақ ғимараттардың терезелері, есіктері шашылған, сондай – ақ, ресейлік снарядтың сынықтары газ құбырына тиген», - делінген хабарламада.
Естеріңізге сала кетейік, Херсондағы перзентханаға 27 желтоқсанда шабуыл жасалған болатын. Онда босанғаннан кейін жатқан бес әйел болды. Ешкім зардап шеккен жоқ.