Апатқа ұшыраған көлікті куәгерлер көрсетті
Екібастұзда жас жігіт көлік апатынан қаза тапты, деп хабарлайды Azattyq Ruhy.
Instagram желісіндегі @polezno.ekb парақшасында соғылған ВАЗ маркалы көлік түсірілген бейнежазба жарияланды. Бейнежазба авторы оқиғаның Кеншілер көшесінде орын алғанын айтады.
Облыстық жедел жәрдем станциясында жол-көлік оқиғасына қатысты қоңырау 26 желтоқсан күні сағат 23:11-де түскенін мәлім етті.
«Қызметкерлер 3 минутта жетті. Зардап шеккендердің бірі - 20 жастағы жігіт алған жарақаттарынан көз жұмған. 29 жастағы тағы бір зардап шегуші жарақаттарымен Екібастұз қалалық ауруханасына жеткізілді», - деді жедел жәрдем қызметінде.