Қайғылы оқиға 25 қазанда болған
Ақтөбеде екі көліктің бетпе-бет соқтығысуы салдарынан бір адам қаза тауып, үш адам ауруханаға жатқызылды, деп хабарлайды Azattyq Ruhy.
Облыстық полиция департаментінің хабарлауынша, қайғылы жол-көлік апаты 25 қазанда сағат 20.00 шамасында болған.
«Lаda Priora көлігінің 29 жастағы жүргізушісі Оңтүстік айналма тас жолымен Заречный айналма жолы жағынан Жиенбаев көшесіне қарай келе жатып, қарсы қозғалысқа арналған жолаққа шығып кетіп, 37 жастағы ақтөбелік тұрғын басқарған Chevrolet Cobalt көлігіне соғылған. Жол апаты салдарынан Lada Priora көлігінің жүргізушісі оқиға орнында көз жұмды», - деп хабарлады ПД баспасөз қызметі.
Chevrolet Cobalt көлігінің жүргізушісі мен екі жолаушысы Ақтөбе қаласының облыстық ауруханасына жатқызылды.
Қазіргі кезде оқиғаның мән-жайы анықталып жатыр.