Батыс Қазақстанда ер адам өз ұлын пышақтап өлтірді

Әкесі мен ұлының арасында келіспеушілік болған

Фото: ашық дереккөзден

Батыс Қазақстанда ер адам өз ұлын өлтірді. Қайғылы оқиға 11 қазан күні Ақжайық ауданында болған, деп хабарлады Azattyq Ruhy «Мой город» порталына сілтеме жасап.

65 жастағы ер адам мен оның 42 жастағы ұлының арасында жанжал туындап, ер адам баласын басы мен мойнынан пышақтаған. Алған жарақатынан ұлы сол жерде көз жұмды.

Облыстық полиция департаменті мәйіт сот-медициналық сараптамаға жіберіліп, күдіктінің уақытша ұстау изоляторына қамалғанын хабарлады.

ҚР Қылмыстық кодексінің 99-бабы (кісі өлтіру) бойынша сотқа дейінгі тергеу басталды.

Мақалада

#Батыс Қазақстан облысы #қылмыс #адам өлімі

Алдыңғы жаңалық

Қостанайда нарықта жалған 100 долларлық купюраларды айналдырып келгендер ұсталды