Сондай-ақ 4 адам түрлі дене жарақатымен ауруханаға жатқызылды
Қызылорда облысында Самара – Шымкент тасжолында қайғылы жол-көлік оқиғасы болды, деп хабарлайды Polisia.kz.
Жол апаты салдарынан 5 адам көз жұмды, 4 адам түрлі дене жарақатымен ауруханаға жатқызылды.
«3 қазанда Қызылорда облысының Қармақшы ауданы Шымкент – Самара тас жолының 1573/693 шақырымында автобус пен жеңіл көліктің соқтығысу салдарынан болған жол-көлік оқиғасы бойынша ҚР ҚК-нің 345-бабының 4-бөлігімен (Автомобильдi басқаратын адамның жол жүрісі қағидаларын бұзып, абайсызда екi немесе одан да көп адамның өлiмiне әкеп соғу) сотқа дейінгі тергеп-тексеру әрекеттері жүргізіліп жатыр», - делінген хабарламада.
Тиісті сот сараптамалары тағайындалды. Оқиғаның мән-жайлары анықталу үстінде.