$ 501.57  554.34  5.98
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
23.08.2022, 11:52
Оқиғалар

Жезқазғанда ер адам бизнестегі серіктесін атып өлтірген

Қазіргі кезде аталған дерек бойынша сотқа дейінгі тергеу амалдары басталды

Жезқазғанда ер адам бизнестегі серіктесін атып өлтірген
Фото: ашық дереккөзден

Жезқазған қаласында ер адам бизнестегі серіктесін атып өлтірген, деп хабарлайды Azattyq Ruhy.

Қалалық полиция бөлімінің хабарлауынша, 22 тамызда екі қабатты үйдің пәтерінде кісі өлімі болғаны туралы хабарлама келіп түскен.

Оқиға орнына жеткен жедел-тергеу тобы мәйіттің 54 жастағы қала тұрғынына тиесілі екенін анықтады.

«Криминалдық полиция қызметкерлері жедел-іздестіру шаралары барысында 60 жастағы қала тұрғынын ұстады. Күдіктінің айтуынша, марқұм бизнестегі бұрынғы серіктесі болған. Кейін өзара бизнесті жауып, дүние-мүлікті бөліскен. Соның негізінде ер адамдар арасында бірнеше жылға созылған жанжал туындаған», - делінген хабарламада.

Күдікті гаражда аңшы мылтығын тазалап отырған кезде серіктесінің аулаға шыққанын көріп, оны атып тастаған.

Қазіргі кезде аталған дерек бойынша сотқа дейінгі тергеу амалдары басталды. Күдікті уақытша ұстау изоляторына қамалды.

Серіктес жаңалықтары