Калифорнияда екі ұшақ соқтығысып, бірнеше адам қаза тапты

Калифорниядағы Уотсонвилл қаласында екі ұшақтың соқтығысуы салдарынан бірнеше адам қаза тапты, деп хабарлайды Azattyq Ruhy.

Жергілікті қала билігінің мәліметінше, ұшақтардағы адамдар түгел көз жұмған.

«Оқиға орнына Төтенше жағдайлар қызметі бірден жетті. Екі ұшақ та Уотсонвилл муниципалды әуежайына қону кезінде соқтығысқан. Бірнеше адам қаза тапқаны туралы белгілі болды», - делінген хабарламада.

San Francisco Chronicle басылымының хабарлауынша, әуежай маңайында Cessna 152 және Cessna 340 ұшақтары соқтығысқан. Олардың бірінің бортында екі адам, екіншісінде бір ұшқыш болған. Алдын ала мәліметтер бойынша, үшеуі де көз жұмды.