Қазіргі таңда сотқа дейінгі тергеу амалдары жүріп жатыр
Қостанай облыстық сотының судьясы ірі көлемде пара алу кезінде ұсталды, деп хабарлайды Azattyq Ruhy ҚР Жоғарғы сотының ресми сайтына сілтеме жасап.
«Осы жылдың 17 тамызында Ұлттық қауіпсіздік комитеті мен Жоғарғы Соттың Ішкі қауіпсіздік бөлімнің өзара іс-қимылы нәтижесінде Қостанай қаласында Қостанай облыстық сотының судьясы ірі көлемде параны алу кезінде ұсталды.
Ақша мүдделі тараптың пайдасына соттың оң шешімін алу үшін көзделген.
Басқа ақпарат тергеудің мүддесі үшін жарияланбайды», - делінген хабарламада.
ҰҚК-нің Тергеу департаменті Қазақстан Республикасы Қылмыстық кодексінің 366-бабы 3-бөлігінің 3-тармағы бойынша сотқа дейінгі тергеп-тексеру жүргізіп жатыр.