Шымкентте жасөспірім қыз өзендегі құбырдан құлап, суға батып кетті
Қайғылы оқиға Еңбекші ауданындағы Қарабастау тұрғын алабында болған
Фото: Шымкент қалалық ТЖД
Шымкентте 11 жастағы қыз абайсызда Бадам өзені үстіндегі құбырдан құлап, суға батып кетті, деп хабарлайды Azattyq Ruhy.
Қалалық ТЖД баспасөз қызметі мәлім еткендей, қайғылы оқиға Еңбекші ауданындағы Қарабастау тұрғын алабында болған.
«Жедел-құтқару жасағының құтқарушылары бірнеше сағат бойы су астында іздестіру жұмыстарын жүргізіп, қыздың денесін судан алып шықты», - делінген хабарламада.
Қыздың денесі туыстарына тапсырылды.
Оқиға орнына қалалық ТЖ департаментінің 10 қызметкері мен 4 техникасы жұмыс істеді.
Серіктес жаңалықтары
Көп оқылған
11.01.2026, 18:19
Алматы облысында мал ұрлығымен айналысқан топ ұсталды
11.01.2026, 11:43
Атырауда жоғалған отбасы: құзырлы органдар күдіктінің үйін тінтіп жатыр
11.01.2026, 06:34
Парамен ұсталған экс-әкімге «Құрметті азамат» атағы берілді
