Павлодарда белгіленбеген жерден өткен әйелді көлік қағып кетті

Павлодарда белгіленбеген жерден өткен әйелді көлік қағып кетті. Жол-көлік оқиғасы Абай - Естай көшелерінің қиылысында тіркелген, деп хабарлайды Рavlodarnews.kz.

Облыстық полиция департаменті баспасөз қызметінің мәліметінше, 23 сәуір күні сағат 13:40-та «Lada Granta» автокөлігінің 71 жастағы жүргізушісі жолдың жүру бөлігін белгіленбеген жерден кесіп өткен 40 жастағы әйелді қағып кеткен. 

"Жол апаты салдарынан жаяу жүргінші жарақат алып, ауруханаға жеткізілді", - деді департаментте.  

Көлік арнайы айып тұрағына қойылды. Аталмыш фактіге қатысты тексеру жүргізіліп жатыр.