Қазіргі уақытта жол-көлік оқиғасының мән-жайы анықталып жатыр
Ауа райының нашарлауы салдарынан Алматы қаласының Шығыс айналма жолында 10-нан астам көлік соқтығысты, деп хабарлайды Azattyq Rýhy.
Қалалық полиция департаментінің мәліметінше, көктайғақ, арақашықтықты сақтамау және жылдамдық режимін бұзу салдарынан бір мезетте бірнеше жол-көлік апатына болған.
«Көлік жүргізушісі рөлге ие бола алмай қалғандықтан, қоршауды соқты. Оның артынан келе жатқан көлік иелері көктайғақ салдарынан тежеуішті басып үлгермеген. Жол-көлік оқиғасынан ешкім зардап шеккен жоқ», - делінген ПД хабарламасында
Қазіргі уақытта жол-көлік оқиғасының мән-жайы анықталып жатыр.
«Оқиға орнына келген жедел жәрдем көлік жүргізушілерінің бірінің жағдайын бақылап отыр. Оған алғашқы көмек көрсетілді. Зардап шеккен адам ауруханаға жатудан бас тартты», - делінген хабарламада.