11 жылдан бері халықаралық іздеуде жүрген шетелдік азамат Атырауда қолға түсті
Ол 2011 жылдан бері іздеуде болған
Атыраулық полицейлер 11 жылдан бері халықаралық іздеуде жүрген шетелдікті ұстады, деп хабарлайды Polisia.kz.
«Атырау қалалық Полиция басқармасы көші-қон қызметі бөлімінің қызметкерлері 2011 жылдан бері халықаралық іздеуде жүрген 35 жастағы Өзбекстан Республикасының азаматын ұстады. Атыраулық полицейлер іздеу салынған күдіктіні тұрақты түрде мониторинг жасалатын ҚР ІІМ-нің көші-қон ақпараттық базасы арқылы ақпан айының басында Атырау облысы аумағына келгенін анықтаған», – деді Атырау облысы Полиция департаментінің бастығы Нұрхат Оразбаев.
Айта кетейік, аталған Өзбекстан Республикасының азаматына 2011 жылы Ресей Федерациясының федеральдық қауіпсіздік қызметінің қызметкерлері РФ Қылмыстық кодексінің 322-бабы 1-бөлігімен іздеу салған.
