Апат «Атырау-Доссор» бағытындағы жолдың бойында орын алды
Атырауда жол-көлік апатынан екі адам мерт болды. Бұл туралы Атырау облыстық полиция департаментінің баспасөз қызметі хабарлады.
Ресми мәлімдемеге сүйенсек, жол-көлік апаты кеше, 11 желтоқсанда болған.
«Атырау қаласындағы «Жұлдыз» шағынауданының тұсында, «Атырау-Доссор» бағытындағы жолдың бойында ресейлік нөмірі бар «ВАЗ – 2115» автокөлігі «DAF» жүк көлігіне жол бермей, соқтығысқан. Жол-көлік апатының салдарынан жеңіл көліктегі 2 жолаушы көз жұмды. Жеңіл көліктің Ресей Федерациясында да, Қазақстан Республикасында да тіркеуге қойылмағаны анықталды», - делінген хабарламада.