Қазір апат салдары анықталып, тергеу амалдары жүргізілуде
Ақтауда жантүршігерлік жол-көлік апаты болып, 2 адам оқиға орнында қаза тапты, деп хабарлайды Azattyq Rýhy.
Маңғыстау облыстық ПД мәліметінше, қайғылы оқиға 8 қараша күні кешкі сағат 21:50 шамасында болған.
«Қаланың 17 және 18 ықшамаудандары арасындағы жолда Mercedes-Benz автокөлігінің жүргізушісі Toyota Corolla автокөлігіне жол бермей, екеуі жол ортасында соқтығысқан.
Жол-көлік оқиғасы салдарынан екі адам оқиға орнында алған жарақаттарынан көз жұмды», - делінген облыстық ПД баспасөз хабарламасында.
Сонда-ақ зардап шеккен бір адам Маңғыстау облыстық ауруханасына жеткізілген.
Қазір апат салдары анықталып, тергеу амалдары жүргізілуде.