Отандық сайттардың бірінде үздік оқығаны үшін берілетін медальді саудаға салған
Мектеп бітіруші түлекке берілетін «Алтын белгі» медалін 2 миллион теңгеге саудалаған хабарландыру авторының айтуынша, бұл эксклюзивті медаль болғандықтан, құны қымбат. Ол хабарласқан тілшілерге өзінің осы жылдың түлегі екенін және 1,5 миллион теңгеге дейін жеңілдік жасайтынын айтқан. Алайда медалін саудалаушы өзін таныстырудан бас тартқан. «Алтын белгіні» сату себебін де айтқысы келмепті.
Ал Білім және ғылым министрлігінің хабарлауынша, «Алтын белгі» – атаулы медаль. Онда түлектің аты-жөні көрсетіледі.