Ол Daewoo Nexıa көлігімен соқтығысқан
Нұр-Сұлтан қаласында жеңіл көлік мотоциклмен соқтығысып, бір адам мерт болды. Бұл туралы Azattyq Rýhy Нұр-Сұлтан қаласының Полиция департаментіне сілтеме жасап хабарлайды.
«17 қазан күні сағат 16:54 шамасында «Daewoo Nexıa» көлігінің жүргізушісі Абылай хан даңғылымен кетіп бара жатып, Жансүгіров көшесімен қиылысатын тұста мотоциклмен соқтығысқан. Соның салдарынан мотоциклдің жүргізушісі оқиға орнында мерт болды», - делінген ведомство хабарламасында.
Оқиға бойынша сотқа дейінгі тексеру басталды. Полиция департаменті жүргізушілерге жолда өте сақ болып жол ережесін қатаң сақтау керектігін ескертеді.