Павлодардағы RBK Bank филиалының директоры суицид жасады

Павлодар қаласындағы RBK Bank филиалының директоры өзіне қол салды деп хабарлады облыстық Полиция департаментінің баспасөз қызметі. Әйелдің жасы 49-да болған.

«5 қазан күні сағат 7:13-те Бектұров көшесі 50/1 мекен-жайында орналасқан дүкеннің шатырынан 1972 жылы туған әйелдің денесі табылды. Ол сегізінші қабаттағы пәтердің терезесінен секіріп кеткен. Аталған жайт бойынша ҚР Қылмыстық кодексінің 105-бабымен (Өзін-өзі өлтіруге дейін жеткізу) сотқа дейінгі тергеу амалдары басталды. Тиісті сараптамалар тағайындалды», - делінген баспасөз қызметі таратқан ақпаратта.

RBK Bank басшылығы болса марқұмның отбасына барынша көмек көрсетіп жатқанын мәлімдеді. Сондай-ақ, тергеу жұмыстары аяқталғанша жалған ақпарат таратпауды сұрады.