Жол-көлік оқиғасы Қостанай-Әулиекөл-Сұрған автожолында болды
Қостанай облысында жол апатынан көлік жүргізушісі көз жұмды. Жол-көлік оқиғасы 14 қыркүйекте болған, деп хабарлайды Azattyq Rýhy Қостанай облысы ПД баспасөз қызметіне сілтеме жасап.
14 қыркүйек күні сағат 16:00 шамасында Қостанай-Әулиекөл-Сұрған автожолында ВАЗ-21099 автокөлігінің жүргізушісі қарсы бағытта келе жатқан КамАЗ автокөлігі тіркемесінің артқы осімен соқтығысты.
«Жол-көлік оқиғасы салдарынан ауыр жарақат алған ВАЗ жолаушысы мен жүргізушісі ауруханаға жеткізілді. Дегенмен көлік жүргізушісінің өмірін сақтап қалу мүмкін болмады», – деп хабарлады ПД.