Өрт кеше сағат 14:00 шамасында басталған
Күршім ауданындағы дала өрті сөндірілді, деп хабарлайды Semey News.
ШҚО ТЖД баспасөз қызметінің хабарлауынша, бүгін, 10 тамыз күні сағат 11:30-да Күршім ауданында 40 га алаңды қамтыған өрт сөндірілді.
«Өртті сөндіруге ШҚО ТЖД өрт сөндірушілері, жергілікті тұрғындар, аудандық әкімдік өкілдері және орман шаруашылығының қызметкерлері жұмылдырылды. Өртті сөндіруге қиын жер бедері кедергі болды, арнайы техникалардың өтуі мүмкін болмады, сонымен қатар жел де жағдайды қиындата түсті», – деп хабарлады баспасөз қызметінен.