Ақтөбе облысында жол апатынан 10 жасар бала мерт болды
Қазіргі уақытта аталған дерек бойынша қылмыстық іс қозғалды
Ақтөбе облысында жол-көлік апатынан 10 жасар бала көз жұмды, деп хабарайды Azattyq Rýhy.
Облыстық Полиция департаментінің мәліметінше, қайғылы жол апаты 8 тамыз күні Әйтеке би ауданы Белқопа ауылы жанында болған. «102» нөміріне хабарласқан куәгерлердің айтуынша, Тоyota Сamry автокөлігінің жүргізушісі рөлге ие бола алмай, жолдың қарсы бағытына қарай аударылып кеткен.
«Маңғыстау облысының 48 жастағы тұрғыны Тоyota Сamry көлігімен Ақтөбе қаласы жақтан келе жатып, Самара – Шымкент тасжолының 925-шақырымында рөлге ие бола алмай, қарсы бетке шығып, аударылып қалған. Жол апаты салдарынан Қызылорда облысының 37 жастағы тұрғыны мен 10 жастағы бала ауруханаға жеткізілді. Алайда өкінішке қарай, бала Әйтеке би аудандық ауруханасында көз жұмды», - делінген ПД хабарламасында.
Қазіргі кезде аталған фактіге қатысты ҚР Қылмыстық кодексінің 128-бабы бойынша іс қозғалды.
