ШұғылҚазақстанда COVID-19 вирусын жұқтырғандар саны азайып келеді

Есірткіні шұлығына жасырған ШҚО тұрғыны ұсталды

5,64 грамм шығатын тәркіленген заттың кептірілген марихуана екені анықталды

көрнекі фото

Шекаралық бақылау бекетінде Шемонаиха қаласының 54 жастағы тұрғынын тексеру барысында қызметтік ит есірткі болуы мүмкін деген белгі берген. Бұл туралы ШҚО Полиция департаментінің баспасөз қызметінен хабарланды.

Тексеру барысында жолаушылар терминалының үй-жайындағы еденде спецификалық иісі бар қоңыр түсті өсімдік тектес заты бар қағаз түйіншек табылып, тәркіленді. Жеке тінту барысында қағаз түйіншекті шұлығына жасырғаны анықталды.

Сараптамаға сәйкес, салмағы 5,64 грамм шығатын тәркіленген заттың кептірілген марихуана екені анықталды. Аталған факті бойынша Қылмыстық кодекстің 286-бабы 1-бөлігі бойынша сотқа дейінгі тергеу амалдары жүргізілуде.