ШұғылЖыл басынан бері өндірістегі жазатайым оқиғалар салдарынан 310 адам зардап шеккен

Нұр-Сұлтанда мемлекетаралық іздеуде жүрген күдікті ұсталды

29 жастағы Өзбекстан азаматы Ресей Федерациясы аумағында кісі өлтірді деген күдікке ілінген 

Нұр-Сұлтанда кісі өлтіргені үшін мемлекетаралық іздеуде жүрген күдікті ұсталды, деп хабарлайды Azattyq Rýhy тілшісі қалалық полиция департаментінің баспасөз қызметіне сілтеме жасап.   

«Жедел алдын алу іс-шарасы барысында Ресей Федерациясының аумағында кісі өлтіргені үшін мемлекетаралық іздеуде жүрген Өзбекстан Республикасының 29 жастағы азаматы ұсталды. Ұсталған адам Мәскеуде ішімдік ішкеннен кейін Ресей Федерациясының азаматын өлтіргені анықталды, содан кейін ол жоғалып кеткен. 2020 жылы күдіктінің жеке басы анықталып, мемлекетаралық іздеу жарияланды», - деді полициядан. 

Ұсталған азамат Нұр-Сұлтан қаласы ПД уақытша ұстау изоляторына қамалды, оны экстрадициялау мәселесі шешілуде.