Қостанайда тұрғын үй өртеніп, 17 адам эвакуацияланды

Қостанайда көпқабатты тұрғын үйден өрт шығып, 17 адам эвакуацияланды, деп хабарлайды Azattyq Rýhy тілшісі облыстық ТЖД баспасөз қызметіне сілтеме жасап.

«Қостанай қаласында бес қабатты тұрғын үйден өрт шықты. Оқиға орнына барған өрт сөндірушілер үйдің кіреберісінен қатты түтін шығып жатқанын көрді. Түтін пәтерлерге тез тарала бастады», - деп жазылған хабарламада.

Өрт сөндірушілер баспалдақтар арқылы 12 ересек адамды және 5 баланы эвакуациялады. Сонымен қатар, жанып жатқан үйден 7 адам құтқарылды. Оның ішінде 3 бала болған. Мамандар өрттің шығу себебін анықтап жатыр.