ШҚО-да үш автокөлік өртеніп кетті
Өрттің шығу себебі қауіптілігі жоғары агрегатпен абайсыз жұмыс атқару болуы мүмкін
Шығыс Қазақстанда үш көлік өртенді. Нақтырақ айтсақ, оқыс оқиға Өскемен, Семей қалаларында және Бородулиха ауданында болған, деп хабарлайды Azattyq Rýhy тілшісі ШҚО Төтенше жағдайлар департаменті баспасөз қызметіне сілтеме жасап.
«27 желтоқсанда Семейдегі Аэропортовский көшесінде орналасқан жер үйдің ауласында «Daewoo Matiz» көлігінің қозғалтқышы өртенгенін хабарлады. Сонымен қатар өрт сөндірушілер Өскемендегі Менделеев көшесінде 1992 жылғы «Mazda 626» автокөлігін шарпыған, жалпы ауданы 3 шаршы метрді құраған тілсіз жауды ауыздықтады», - деп жазылған хабарламада.
Бұдан бөлек Бородулиха ауылындағы «Volkswagen Multivan» көлігіндегі өрт сөндірілген. Көлік қозғалтқышында шыққан қызыл жалынның аумағы 2 шарты метрге жетті. Үш оқиғада да өрттің шығу себебі қауіптілігі жоғары агрегатпен абайсыз жұмыс атқарудан болуы мүмкін.
