Үш адам зардап шекті
Алматыда Науаи мен Набережный көшелерінің қиылысында Shacman жүк көлігі жылдамдықпен жүйткіп келіп, жолындағы Nissan Maxima жеңіл көлігін, трансформаторды, автобус аялдамасын сүріп кеткен. Жол апатының видеосы әлеуметтік желіде таралды.
Видеода Науаи көшесімен жүйткіп келе жатқан жүк көлігінің жолында тұрған трансформатор мен бірнеше көлікті қаққаны, сондай-ақ автобус аялдамасына соғылғаны көрсетілген. Алдын ала мәлімет бойынша, жүк көлігінің тежегіші істемей қалған.
Жүк көлігінің жүргізушісі жол апаты кезінде салоннан секіріп кеткен. Оқиға салдарынан үш адам – Shacman, Nissan көліктерінің жүргізушілері мен аялдамада тұрған әйел адам зардап шекті.