Toyota Camry жүк көлігіне соғылған
Батыс Қазақстан облысында жүк көлігімен соқтығысып қалған Toyota Camry жүргізуші көз жұмды, деп хабарлайды Azattyq Rýhy тілшісі БҚО ТЖ департаментінің баспасөз қызметіне сілтеме жасап.
«Атырау-Орал» жолының 239-шақырымында Алмалы ауылының тұсында Toyota Camry жеңіл көлігі DAF жүк көлігімен соқтығысты. №20 өрт сөндіру бекетінің қызметкерлері жеңіл көлікке қыстырылып қалған 34 жастағы жүргізуші мен жолаушыны шығарды», - деп жазылған хабарламада.
Жүргізуші ауыр жарақаттан сол жерде қайтыс болды. Ал жолаушы Ақжайық аудандық орталық ауруханасына жедел жеткізілді.