БҚО-да көлік суға батып, бір адам қайтыс болды

БҚО-да көлік суға батып, бір адам қайтыс болды, деп хабарлайды Azattyq Rýhy «Мой ГОРОД» порталына сілтеме жасап.

Қайғылы оқиға 28 қыркүйек күні сағат 9:25-те Ақжайық ауданының Тайпақ ауылында болған. БҚО ТЖД баспасөз қызметінен хабарлағандай, Жайық өзені арқылы пароммен өту кезінде ВАЗ маркалы көліктің тежегіші істен шығып, суға батып кеткен. Көлік иесі оқиға орнында қайтыс болды.

«Марқұмның денесі 12:15-те көліктен шығарылып, полиция қызметкерлеріне тапсырылды. Оқиға орнында төрт құтқарушы мен бір техника жұмыс істеді», - деп хабарлады БҚО ТЖД.