Таразда бірнеше мәрте велосипед ұрлаған ер адам ұсталды

Таразда бірнеше мәрте велосипед ұрлаған ер адам ұсталды, деп хабарлайды Polisia.kz.

Полиция қызметкерлері бірнеше мәрте велосипед ұрлаған күдіктіні ұстады. Ол Тараз қаласының 29 жастағы тұрғыны болып шықты. Тергеу барысында анықталғандай, ол ұрлықты тұрғындардың велосипедтерді қараусыз қалдырғанын пайдаланып, көпқабатты тұрғын үйлердің кіреберістерінен, таңғы және түнгі мезгілде жасаған.

Аталған дерекке қатысты ҚР ҚК 188-бабы 3-бөлігі (Ұрлық) бойынша сотқа дейінгі тергеу басталды.

Күдікті уақытша ұстау изоляторына қамалды. Сондай-ақ, оның басқа да ұрлықтарға қатысы бар-жоғы тексерілуде. Жамбыл облысының полициясы азаматтардан өз мүлкін қорғауда қырағылық танытып, қадағалау жасау қажеттігін ескертеді.