Оны өлтірді деген күдікпен 33 жастағы тұрғын анықталды
Таразда мейрамхана маңынан ер адамның мәйіті табылды, деп хабарлайды Azattyq Rýhy тілшісі Polisia.kz-ке сілтеме жасап.
«30 тамызда сағат 05:15-те Ақбұлақ шағын ауданының тұрғындарының бірі мейрамханаға жақын маңнан 27 жастағы ер адамның мәйітін тауып, бұл туралы полицияға хабарлаған. Аталған факт бойынша тергеу-жедел тобы жіберілді. Ауыр қылмыстың себебін тергеушілер анықтап жатыр. Қазіргі таңда ҚР ҚК 99-бабы 1-бөлігі «Адам өлтіру» бойынша сотқа дейінгі тергеу жұмыстары басталды», - деп жазылған хабарламада.
Полиция қызметкерлері осы қылмысты жасаған 33 жастағы Тараз қаласының тұрғынын анықтады. Қазіргі уақытта күдіктіні ұстау шаралары қарастырылып жатыр. Қажетті сот сараптамасы тағайындалды.